A vertente Senior (educación para persoas maiores) da Universidade de Educación a Distancia (UNED) retomou a súa actividade en Boiro. Segundo fixo saber o Concello, o alumnado que participa no curso de cultivo de hortalizas todo o ano que imparte a institución académica reiniciou as sesións formativas despois do período de inactividade propiciado pola pandemia de COVID19. Os alumnos e alumnas fórmanse en cultivo ecolóxico de hortalizas nun espazo habilitado na finca de Goiáns.
O curso comezou no mes de marzo e ía rematar en xuño pero, por mor do confinamento provocado polo coronavirus, tivo que interromperse e aprazarse ata o mes de xuño. As clases, que inicialmente ían realizarse os martes alternos, agora celébranse todas as semanas en horario de 18.00 a 22.00 horas.