A mocidade do Son xa pode inscribirse no programa de lecer e creatividade estival Xuventude na Rúa

03 Xullo 2020

A partir deste venres 3 de xullo xa se poden facer as inscricións para participar na experiencia Xuventude na Rúa, impulsada polo Concello de Porto do Son para pór a disposición da mocidade local todo tipo de actividades creativas, de lecer e deportivas ao longo dos meses de verán (os venres de xullo e de agosto, dende o día 10 deste mes en curso). O programa inclúe obradoiros de graffiti, surf e fotografía, xincanas urbanas, xogos en equipo e rutas polo concello, entre outras cousas.

As actividades previstas son de balde e están destinadas a mozas e mozos de idades comprendidas entre os 12 e os 17 anos.

Quen precise máis información sobre Xuventude na Rúa pode contactar co Concello a través do teléfono 981 767 589, ou ben accedendo á web municipal onde se dá conta do programa e se achega a folla de inscricións.

Segundo explica o Concello, Xuventude na Rúa é unha iniciativa local para o fomento da participación xuvenil a través de obradoiros, xornadas deportivas e actividades lúdico-educativas. Trátase “dunha alternativa cultural e de ocio para os meses de verán” que busca “mellorar as habilidades creativas artísticas da xente nova, fomentar o traballo en equipo e o desenvolvemento de competencias relativas á autonomía e o compromiso, facilitando un espazo de participación social”.

Todas as accións programadas realizaranse de maneira preferencial ao aire libre, na contorna de Porto do Son, e atendendo á normativa e recomendacións publicadas en canto ás medidas hixiénicos sanitarias na actual situación da COVID19.

Outros artigos

Porto do Son celebra as Letras Galegas con música tradicional

O Concello de Porto do Son vai celebrar con música tradicional o Día das Letras Galegas, este 17 de maio, adicado á poeta coruñesa Luísa Villalta. Así, ademais das mancheas de actividades conmemorativas que se están a desenvolver estes días nos centros educativos do...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...