Xunta e Cruz Vermella blindan un ano máis a súa colaboración no salvamento marítimo e a loita contra a contaminación mariña

13 Xuño 2020

A conselleira do Mar, Rosa Quintana, e a presidenta da Cruz Vermella en Galicia, María Carmen Colmeiro, asinaron esta semana o convenio co que se renova a colaboración da Administración galega con esta entidade en materia de salvamento marítimo e loita contra a contaminación mariña. A esta colaboración a Xunta destina 30.000 euros para sufragar as actividades realizadas ao longo deste ano e que inclúen, entre outros, exercicios prácticos de rescate e de busca de desaparecidos no mar.

Esta colaboración implica a participación da Asemblea Autonómica de Galicia da Cruz Vermella Española, que conta con estacións e postos de salvamento ao longo das costas galegas, en tarefas de salvamento marítimo e loita contra a contaminación de xeito coordinado coa Consellería do Mar. Para iso pon a disposición os seus medios operativos. Pola súa banda á Consellería do Mar correspóndelle coordinar e colaborar coas tarefas que realice coa Cruz Vermella nesta materia.

A conselleira do Mar, Rosa Quintana, asina coa presidenta da Cruz Vermella en Galicia, María Carmen Colmeiro, un convenio de colaboración en materia de salvamento marítimo e loita contra a contaminación

Esta medida enmárcase na aposta blindada do Executivo galego polo salvamento no mar e a loita contra a contaminación mariña e na suma de esforzos neste eido co obxectivo de avanzar na seguridade no eido marítimo-pesqueiro. Ambas as dúas partes levan varios anos colaborando neste ámbito coa participación en exercicios prácticos de rescate, divulgando entre o sector profesional os métodos e técnicas de utilización dos medios utilizados nestes exercicios, en cursos de primeiros auxilios para pescadores e na busca de desaparecidos no mar.

Na área das emerxencias, a Cruz Vermella conta cun programa de salvamento marítimo que ten como obxectivo protexer a vida humana no mar e loitar contra a contaminación mariña. Todo isto realízase de xeito coordinado coa Sociedade de Salvamento e Seguridade Marítima (Sasemar) e a través da colaboración autonómica neste ámbito tanto en materia de prevención como en materia de emerxencias.

Algunhas das accións que realiza a Cruz Vermella neste eido son a participación en exercicios de adestramento, operacións de busca, salvamento e rescate, servizos de asistencia e remolque de embarcacións e tarefas de apoio en materia de loita contra a contaminación mariña.

No acto de sinatura do convenio tamén estivo presente o subdirector xeral do Servizo de Gardacostas de Galicia, Lino Sexto, pois a colaboración entre as partes materialízase a través deste organismo autonómico e supón renovar unha cooperación no eido marítimo que xa suma máis dunha década.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...