Segundo informa a policia rianxeira un mozo accedeu a autovia do Barbanza en bicicleta e foi interceptado a altura do parque empresarial do Té. O xoven marchouse dun centro boirense para persoas con diversidade funcional e foi achado en bo estado en Rianxo.
O rapaz tomou unha bicicleta e dirixiuse ao municipio rianxeiro, accedendo á Autovía do Barbanza. Preto das 7.30 da tarde chegaron os primeiros avisos de conductores que informaban que un ciclista estaba a circular polo vial. A Policía Local de Rianxo e a Garda Civil lograron dar co individuo nas inmediacións da rotonda de entrada ao parque empresarial do Té. O mozo foi trasladado ao centro asistencial.
