SumaRibeira,presenta o Pleno unha Proposición sobre a“Problemática coa Subministración de Auga”

19 Xuño 2020

En SumaRibeira facénse eco da que califican de inxustificables deficiencias que, ao seu entender, se véñen amosando con frecuencia no municipio sobre a subministración de auga corrente, polo que decidiron presentar para o seu debate no Pleno unha Proposición sobre a “Problemática coa Subministración de Auga”.
Consideran que a situación actual ao respecto demanda a necesidade de definir xa como realmente prioritarias tódalas actuacións necesarias para dar solución a este problemaque califican de crónico cun servizo público básico fundamental e universal.

En Suma Ribeira pensan que veñen sendo excesivas as ocasións en que veciñas de distintas zonas do concello amosan o seu malestar por deficiencias no servizo municipal de auga.
Moitas veces as xustificadas queixas son por falla dunha mínima presión de auga, e outras por frecuentes cortes ocasionados por roturas nas conducións. Seguramente unha parte importante dos problemas de falla de presión estean relacionados con que, debido ao deterioro nas vellas conducións, o establecemento da presión necesaria incrementaría notablemente a frecuencia das roturas.

É por eso que en SumaRibeira pensan que o Pleno non debe agardar máis para entrar a considerar a necesidade de comprometerse con tódalas actuacións necesarias para asegurar a poboación de tódolos lugares do concello unha solución, no prazo máis curto posible, ao servizo público de subministración de auga potable.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...