O ministro de Administración interna de Portugal, Eduardo Cabrita, afirmou que “non ten sentido” reabrir a fronteira terrestre con España antes do 1 de xullo, tendo en conta das restricións internas de mobilidade que prevé que sigan estado en vigor ata esa data en territorio español para conter a pandemia de coronavirus.
O peche fronteirizo, que non afecta por exemplo os desprazamentos por razóns laborais, está en vigor por agora ata o 15 de xuño, pero o ministro portugués asumiu que será necesaria unha nova prórroga.
“As autoridades españolas xa dixeron que antes do 1 de xullo non haberá liberdade de movemento. Probablemente teñamos que manter a fronteira terrestre pechada todo xuño”, dixo. Portugal tamén limitou as súas conexións aéreas con España e Italia pola “situación epidemiolóxica” en ambos os países e, segundo o ministro, tampouco se prevén cambios a curto prazo.
