Os alcaldes do PSdeG-PSOE na provincia da Coruña, entre eles o de Boiro, reclaman poder usar os seus remanentes e superávit para activar plans de reconstrucción locais que axuden a paliar as tremendas consecuencias sociais e económicas da Covid-19.
Así se acordou de forma unánime hoxe nunha reunión telemática do Consello de Alcaldes e Alcaldesas do PSOE coruñés, presidida polo secretario provincial e presidente da Deputación, Valentín González Formoso, que defendeu “o papel fundamental” realizado polos concellos, “que estiveron en primeira liña na crise da Covid-19” e destacou que “unha parte importante da reconstrucción dependerá tamén dos gobernos locais”. Neste sentido, defendou que “os remanentes e superávit, os aforros de concellos e deputacións podan ser usados polas entidades locais que as aforraron e no lugar onde se aforraron”
Un aspecto no que coincidiu tamén o alcalde de Vigo e presidente da FEMP, Abel Caballero, que participou como invitado na reunión de hoxe e advertiu que “ninguén pense en quedarse cun só céntimo dos concellos, e dígoo por Feijoo”
Caballero afirmou tamén que a FEMP pedirá un fondo de 5.000 millons de euros para as corporación locais e participar dos fondos europeos na medida do que nos corresponde..
“Pediremos á Xunta a transferencia inmediata aos concellos de 380 millóns de euros e dos 23 millóns que o Estado transferiu á Xunta para políticas sociais, xa que son os concellos os que están asumindo o protagonismo neste eido”, afirmou.
Un punto que apoian tamén os alcaldes coruñeses, enytre eles o de Boiro, que demandan á Xunta que cando menos unha parte do Fondo de Reconstrución que aporte o Estado a Galicia se distribúa entre os concellos con criterios obxectivos, nun modelo similar ao que xa está a aplicar a Deputación da Coruña e que resulta “un apoio fundamental para as economías dos municipios”
Os rexedores e rexedoras socialistas, entre eles os da Coruña, Ferrol e Santiago tamén coincidiron en que os remanentes, froito da boa xestión económica de concellos e deputacións durante anos, “deben ser usados polas propias entidades locais, en función das súas necesidades, xa que unha parte importante da reconstrucción social e económica do país recaerá nas administracións locais”, que desde o inicio da crise veñen facendo un esforzo importante para atender os efectos que esta crise ten na sociedade coruñesa, “tendendo pontes para evitar a fenda social”.
