O Certame Enreguéifate 2020, co-impulsado polo Concello de Rianxo, xa ten gañadoras

23 Xuño 2020

A cuarta edición do Certame Enreguéifate, co-organizado polo Concello de Rianxo, xa ten contribucións gañadoras. Respecto da repercusión, houbo 27 propostas participantes, das cales 11 concorreron a través da categoría xeral e 16 na escolar. O concurso, que ten o obxectivo de reivindicar as posibilidades creativas, dinamizadoras e comunicativas da regueifa (a arte inmemorial de retrucar en verso, a través da improvisacións orais que estimulan o pleno dominio do galego entre as novas xeracións), está promovido polos concellos de Ames, Pontevedra, Rianxo, Santiago de Compostela e Teo.

Esta edición do certame desenvolveuse coas adaptacións necesarias motivadas pola situación de confinamento producida por mor da COVID-19, entre elas o reforzo das actividades virtuais e a supresión dos obradoiros presencias e da gala de entrega de premios. A organización do certame transmitiu “a súa gratitude pola alta participación” dadas as complexas circunstancias.

As procedencias das contribucións foron do máis diversas: O Grove, Tordoia, Donostia, Santiago, Lugo, Baio, Burela, Cangas, Ourense, Cotobade, Gondomar, Ferrol, Malpica de Bergantiños, Teo, Mourente ou Baamonde.

Regueifas gañadoras da IV edición de Enreguéifate

Podíase participar no proxecto a través de dúas categorías, a escolar e a xeral. En ambas as categorías había premio para a regueifa máis aguda, a regueifa máis diversa, a máis reivindicativa, a mellor cantada e a mellor falada.

O xurado estivo formado por Manolo Maseda, mestre, músico e regueifeiro; Séchu Sende, profesor, escritor e regueifeiro; Lupe Blanco, regueifeira; Conchi Cochón, técnica de Normalización Lingüística e Vero Rilo, narradora oral.

O resultado final das votacións, ao non poder haber gala final coma noutras edicións, deuse a coñecer cun vídeo presentado por Séchu Sende como representante do xurado, acompañado polas Regueitubeiras.

· Premios da Categoría Xeral

A máis brava: De norte a sur – Localismos 2.0

A máis aguda: Trespés – Antítodo anti todo

A máis diversa: decídese deixar deserta esta categoría por non haber ningún vídeo que encaixe e cumpra as bases. Acórdase facer unha mención a Os Conxugadores, xa que a súa regueifa era a única realmente diversa, pero pasábase moito dos 3 minutos.

A máis reivindicativa: Regueifeires dos emojis – AGAL vs RAG

A mellor falada: As despistadas – Regheifa na casa!

A mellor cantada: Entre nós – Etioloxía do coronavirus?

· Premios da Categoría Escolar:

A máis brava: Patakas Bravas – As linguas: patrimonio natural

A máis aguda: COV-Regueifeiras– COV-verán

A máis diversa: Clase Rosalía. San Xoán de Filgueira – Regueifeir@s dispost@s a salvar o planeta. Decídese tamén facer unha mención a María, participante do grupo Irmanciñ@s.

A máis reivindicativa: Banda EcoTeo – EcoRegueifa

A mellor falada: As rejeifeiras do Cabaso – As rejeifeiras do Cabaso

A mellor cantada: As guardianas baiesas – A loita por un mundo mellor

Todas as regueifas participantes e gañadoras pódense visualizar tanto na páxina web do certame como na súa canle de Youtube.

Outros artigos

As augas de Tanxil, As Cunchas e Torre, cualificadas de excelentes

O Concello de Rianxo informou esta semana que as tres praias locais incluídas no Rexistro de Augas de Baño de Galicia (Tanxil, As Cunchas e A Torre) foron cualificadas polo Servizo Galego de Saúde como de “calidade excelente". Ademais, os tres areais están incluídos...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...