O Concello de Boiro recupera esta semana os postos de téxtil, calzado e complementos no mercadiño semanal que se celebra cada martes na Avenida da Constitución. Ata o de agora, e seguindo as recomendacións das autoridades sanitarias, so se estaban instalando os postos de alimentación e cumprindo coas medidas de seguridade esixidas.
Durante o Estado de Alarma, os mercadiños ambulantes quedaron suspendidos e coas fases do Plan de transición cara a nova normalidade fóronse restablecendo con limitacións de aforo e prioridade dos postos de alimentación. En Boiro xa se estaba celebrando so cos sectores de alimentos e plantas, pero este martes volven a instalarse no mercadiño os postos de todos os sectores.
Coa nova normalidade volven os postos de téxtil, calzado e complementos que ata o de agora non se estaban instalando. O mercadiño vaise montar con todas as medidas de hixiene, seguridade, separación e control establecidas polas autoridades sanitarias.
