A Xunta reafirma o seu compromiso para garantir a protección dos dereitos das persoas LGTBI

18 Xuño 2020

A directora xeral de Avaliación e Reforma Administrativa e secretaria xeral da Igualdade por delegación, Natalia Prieto, reafirmou o compromiso da Xunta para garantir os dereitos de todas as persoas, con independencia da súa orientación sexual e identidade de xénero.

Así o explicou na reunión por videoconferencia que mantivo coa directora xeral de Diversidade Sexual e Dereitos LGTBI do Ministerio de Igualdade, Boti García, e os responsables das comunidades autónomas neste ámbito. Na súa intervención incidiu na necesidade de traballar na igualdade de trato en xeral e, en concreto, na non discriminación do colectivo LGTBI.

Natalia Prieto lembrou que a comunidade galega foi pioneira en aprobar a primeira Lei de igualdade de trato e de non discriminación deste colectivo en toda España, coa Lei 2/2014 do 14 de abril, pola igualdade de trato de lesbianas, gais, transexuais, bisexuais e intersexuais en Galicia. A norma inclúe unha abordaxe transversal da situación e dos problemas de discriminación dos que son obxecto as persoas LGTBI, así como a protección das persoas que o necesiten desde un enfoque integral.

Tamén destacou o traballo do Observatorio contra a discriminación por orientación sexual e de identidade de xénero, que contribúe ao coñecemento da realidade da diversidade de orientación sexual, servindo como garantía dos dereitos das persoas LGTBI, para analizar os seus problemas e como órgano de denuncia en materia de discriminación por razón de orientación sexual e identidade de xénero.

A secretaria xeral da Igualdade por delegación engadiu que nos últimos anos os Centros de Información á Muller (CIM) contan cun servizo de atención directa ás persoas LGTBI, ademais doutras accións no ámbito sanitario e educativo.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...