A concelleira de Cultura de Ribeira presentou este venres 16 o programa de espectáculos do Concello para este verán, unha axenda marcada pola COVID19 e pola necesidade de pór en marcha medidas que garantan o distanciamento, o control de públicos e a seguridade sanitaria. O programa, que dará acubillo a actividades (todas elas) de pequeno e mediano formato, inclúe dúas ducias de espectáculos que se sucederán durante os meses de xullo, agosto e setembro conformando a programación da Fiestra da Cultura.
A concelleira de Cultura, María Sampedro, debullou o calendario de eventos salientando que todos eles son cen por cen de balde e todos virán marcados por un estrito protocolo de seguridade, seguindo as recomendacións sanitarias establecidas: control de aforamentos, uso obrigatorio de máscaras de protección, dispensador dunha solución hidroalcohólica, etc.
A Fiestra da Cultura, un programa descentralizado que chegará tamén ás parroquias, reunirá concertos, actuacións cómicas, novo circo, exposicións, cinema ao aire libre, etc. A programación comezará este sábado 27 co acto de apertura da exposición de Manuel Ayaso titulada Relatos da costa da morte e que se tivo que adiar con motivo do Estado de Alarma, e a partir de aí todos os venres e sábados de xullo, agosto e ata o 12 de setembro, día de Santa Uxía, haberá algunha proposta cultural no Concello na que destaca tamén a mostra do XIV Premio de fotografía Luis Ksado da Deputación da Coruña que se inaugurará en setembro.
Os venres será a quenda do Autocine, que se levará por todas as parroquias, comezando por Palmeira o 3 de xullo e rematando en Carreira o 4 de setembro, e con filmes do máis variado como A praia dos afogados, Eroski Paraíso, O que arde, Superlópez, ou películas de animación infantil como A Galiña Turuleca.
Pola súa banda, os sábados celebraranse eventos en Ribeira, localizados ou no Paseo do Malecón ou na Praza de Porta do Sol segundo a súa modalidade, abrindo o sábado 4 de xullo co concerto dos Dixie Kings, e traendo á cidade actuacións como Circo Chosco, Don Gelati, á compañía Asacocirco co seu Circo de Lume, Os contos de Pablísimo, Superheroe de Fran Rei, a gala Circando ou os concertos da Gramola Ye Ye, a Gallaecia Small Band e as nosas Tanxugueiras coa xira A Contrapunto.
Programación
*Exposición Relatos da Costa da Morte, gravados de Manuel Ayaso
Acto de apertura: 27 de xuño, ás13:00 h.
Centro Cultural Lustres Rivas.
Ata o 29 de agosto.
Horario: De luns a venres de 10 a 14 h e de 19 a 21 h e sábados de 11 a 14 e de 19 a 21 h.
*Noites de Autocine, Eroski Paraíso
Venres 3 de xullo.
AparcadoiroSociedadeFillos de Palmeira, ás 22:15 h.
*Concerto: Dixie Kings
Sábado 4 de xullo.
Paseo do Malecón de Ribeira, ás 22:15 h.
* Autocine Lúa Chea
Venres 10 de xullo, Porto de Ribeira.
Ás20:30h: Sonrisas de una noche de verano
Ás 23:00h: Somos criminais
* Autocine Lúa Chea
Sábado 11 de xullo. Porto de Ribeira
Ás 20:30h: Corgi, las mascotas de la reina
Ás 23:00h: Tolkien
* Noites de Autocine A praia dos afogados NOITES DE AUTOCINE
Venres 17 de xullo.
Explanada Porto de Aguiño, ás 22:15 h.
Máximo: XXX vehículos.
*VI Festival Ribeira: Acrobacias, baile, humor
Circo Chosco
Sábado 18 de xullo.
Praza de Porta do Sol, ás 22:15 h.
* Actividade infantil- Cantando contando
Xogos de habilidade feitos con material de refugallo, inchables, espectáculo infantil e familiar, música e moita diversión.
Venres 31 de xullo, na praza do Concello, de 11:30 a 14:00 h e de 18:30 a 21:00 h.
* Noites de Autocine Al aire patos
Venres 31 de xullo.
Aparcadoiro Pavillón de Sirves – Olveira, ás 22:15 h.
* Concerto – Tanxugueiras, xira contrapunto
Sábado 1 de agosto
Paseo do Malecón de Ribeira, ás 22:15 h.
* Noites de autocine Los futbolísimos
Venres 7 de agosto.
Exterior Centro Recreativo Artes, ás 22:15 h.
* VI Festival Ribeira
Maxia Don Gelatti, de Dani García
Sábado 8 de agosto.
Praza de Porta do Sol, ás 22:15 h.
* Noites de Autocine Superlópez
Venres 14 de agosto.
Aparcadoiro grande – Corrubedo, ás 22:15 h.
* VI Festival Ribeira Circompakto Wamba e a pel de tambor
Sábado 15 de agosto
Praza de Porta do Sol, ás 22:15 h.
* Noites de Autocine Uno máis de la familia
Venres 21 de agosto.
Exterior do Centro Social de Oleiros, ás 22:15 h.
* Circo de Lume, da compañía Asacocirco
Sábado 22 de agosto.
Praza de Porta do Sol, ás 22:15 h.
* Noites de autocine A galiña Turuleca
Venres 28 de agosto.
Aparcadoiro Punta do Castro – Castiñeiras, ás 22:15 h.
* Concerto: A Gramola Ye-Ye
Sábado 29 de agosto
Praza de Porta do Sol, ás 22:15 h.
* Exposición XIV Premio Luís Ksado de Fotografía
Venres 4 de setembro, inauguración ás 21:00 h no C.C. Lustres Rivas.
Do 4 ao 26 de setembro.
Horario: De luns a venres de 10 a 14 h e de 19 a 21 h e sábados de 11 a 14 e de 19 a 21 h.
* Noites de Autocine O que arde
Venres 4 de setembro.
Campo da festa – Carreira, ás 22:15 h.
Máximo: XXX vehículos.
* VI Festival Ribeira Circando – Gala de circo
Sábado 5 de setembro
Praza de Porta do Sol, ás 22:15 h.
* VI Festival Ribeira
Superheroe, Fran Rei
Venres 11 de setembro
Praza de Porta do Sol, ás 19:00 h.
· Día de Santa Uxía – VI Festival Ribeira Os contos de Pablísimo
Sábado 12 de setembro.
Praza de Porta do Sol, ás 19:00 h.
· Día de Santa Uxía – Concerto: Gallaecia Small Band
Sábado 12 de setembro
Paseo do Malecón, ás 22:15 h.
