A campaña iniciada a mediados de novembro pasado sáldase cunha facturación nas lonxas galegas de 4,5 millóns de euros, tras a venda de case 400 toneladas de produto.
Trátase dunhas cifras altamente positivas para a frota de enmalle, tendo en conta as dificultades coas que se atopou durante a primeira metade do ano en curso a causa do estado de alarma. A lonxa de Ribeira con 59 toneladas logrou uns ingresos de 664.000 euros, volume similar en capturas ao do Grove con 58 toneladas pero que acadou unha facturación un terzo superior chegando a 940.000 euros.
