O servizo incrementou un 68% o número de usuarios nos últimos tres anos. Durante o estado de alarma rexistráronse 38.527 chamadas e 150 novas altas Carballo con 141 persoas usuarias, Narón (138), Ribeira (90), Arzúa (78) , Teo (74), Malpica (66), Ortigueira (61) e Culleredo (58) son os municipios con maior número de dispositivos do servizo de teleasistencia provincial.
A teleasistencia funciona 24 horas ao día, os 365 días do ano, e conta con 2.570 usuarios activos en toda a provincia, a maioría deles persoas maiores que residen soas no seu domicilio.
O presidente Valentín González Formoso e a deputada responsable da área de Benestar Social, Ana Lamas Villar, visitaron esta mañá no polígono de Agrela (A Coruña) a central da Teleasistencia provincial. O presidente provincial agradeceu “o gran traballo realizado polas operadoras do servizo para acompañar aos nosos maiores e dar tranquilidade ás súas familias durante a crise sanitaria”.
NÚMERO DE PERSOAS USUARIAS DA TELEASISTENCIA POR
CONCELLOS NO BARBANZA
Boiro 40
Lousame 11
Noia 18
Pobra Do Caramiñal (A) 7
Porto Do Son 29
Rianxo 57 Ribeira 90 Total 252
Teleasistencia provincial
