O orzamento e o remanente de Ribeira serán levados ao primeiro pleno telemático da historia de Ribeira

15 Maio 2020

O alcalde Manuel Ruíz traballando durante o Estado de Alarma por vídeo-conferencia

O Concello de Ribeira, a través do alcalde Manuel Ruíz, deu a coñecer este venres 15 que o orzamento municipal e o remanente serán sometidos a consideración por parte da Corporación municipal nun pleno extraordinario que se celebrará a finais de mes de xeito telemático, o primeiro destas características que se convoca na historia do municipio. Esta información foi dada a coñecer polo rexedor na sesión diaria da Comisión de Seguimento da Evolución do COVID-19. Ruiz Rivas indicou tamén a súa intención de convocar un segundo pleno extraordinario para o control do Goberno para mediados de xuño, e que “será presencial ou telemático dependendo de como evolucione a desescalada”, dixo.

Segundo explicou, o pleno telemático de finais de maio servirá para buscar encaixe orzamentario ás axudas aos afectados pola COVID que se pretenden aplicar ao abeiro do Plan Reactiva Ribeira, un plan que antonte recibiu un novo impulso cunha nova reunión na que participaron os grupos da Corporación (con asistencia de Suma Ribeira, PSOE, BNG e PP) mentres que onte se deu a coñecer o borrador de documento aos grupos que non obtiveron representación nas últimas eleccións locais (Cidadáns, IPdR e Compromiso por Galicia).

A Comisión tamén aprobou fortalecer as limpezas de terreos que foron adiados en parte por mor da pandemia, así como efectuar una consulta á Asociación de Empresarios sobre a conveniencia ou non de retomar a zona azul e cal sería o tempo máximo de duración do estacionamento de vehículos.

Tamén se fixo saber que a reapertura definitiva da Biblioteca Municipal formalizarase na fase 2, xa que na fase actual non se permiten actividades de estudo en sala. O Concello fixo saber que “entrementres aproveitarase a semana que vén para dotar á instalación de certas medidas de seguridade como marcas no chan, dispensadores de xel ou o bloqueo dos ordenadores de consulta”. Tamén aclarou que si está en servizo a Biblioteca para préstamo e devolución de libros con cita previa.

Outros artigos

O alumnado de Tahume IX completa a súa formación teórico-práctica

A semana pasada un grupo de alumnas e alumnos do Obradoiro de Emprego Tahume IX, impulsado polos Concellos de Porto do Son e Ribeira para favorecer a inserción laboral da poboación da nosa comarca, presentouse ás probas da Educación Secundaria Obrigatoria (ESA) que se...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...