Unha quincena de asociacións e outros colectivos de carácter social, asistencial, económica, empresarial, político e sindical pertencentes ao noso
municipio manifestaron á súa adhesión ao ambicioso Plan Reactiva Ribeira que, subscrito o pasado sábado polos grupos municipais de PP, PSdG-PSOE, BNG e Suma Ribeira, está dirixido a implementar un gran paquete de medidas coa fin de contrarrestar os efectos da crise do Covid-19 entre a nosa veciñanza.
Neste senso, estamparon a súa firma en apoio a este Plan os representantes da Asociación de Empresarios de Ribeira, Confraría de Pescadores de Ribeira, Confraría de Pescadores de Aguiño, Lonxa de Ribeira, Asociación de Amas de Casa de Ribeira, Cáritas Parroquial Ribeira, ICE Renovación, Asociación Española Contra o Cancro, Asociación Ambar, Asociación Amicos, Ciudadanos Ribeira, Compromiso por Galicia e IpdR, así como Comisións Obreiras e CSIF por medio dos seus representantes sindicais no Concello.
Cómpre salientar que coa fin de buscar encaixe orzamentario ás medidas que contén este Plan hoxe xoves ás 20 horas terá lugar un pleno extraordinario no que se debaterán, entre outros asuntos, o Orzamento Xeral do Exercicio 2020.
