A Policía Local de Ribeira informa dun presunto delito contra a seguridade pública por parte dun cidadán que arroxou un resultado positivo na proba de alcoholemia despois de ter un sinistro automobilístico na pasada madrugada na avenida da Coruña.
Así, ás 3:13 horas, un particular avisou ao 112 sobre unha saída na citada vía cunha persoa ferida. Persoados os axentes no lugar dos feitos, observaron un vehículo marca Renault Megan accidentado á altura do número 162. O condutor resultou ser un varón de 32 anos que presentaba feridas superficiais no rostro e extremidades superiores, así como dor lumbar e torácica. Sometido á proba de alcoholemia, resultou positiva con 0,84 mg/l. O condutor era novel. Comprobouse que o vehículo carece de seguro e ITV.
O individuo foi trasladado ao Hospital da Barbanza. Minutos despois (ás 4.30 horas) recibiuse aviso destas instalacións sobre que a persoa implicada no accidente se dera á fuga. Foi localizado na estrada AC-550 con síntomas de desorientación e volveu ser trasladado ao centro hospitalario a través dunha ambulancia do 061.
O PP de Ribeira pedirá en pleno a posta a punto urxente do paseo do río Artes-Sanchanás
O PP de Ribeira, a través do concelleiro Manuel Vicente Reiriz Bretal, presentou un rogo para ser tratado no pleno da Corporación relativo ao estado no que se atopa o paseo fluvial do río Artes-Sanchanás, na parroquia de Artes. Os populares explican na súa proposta...