A Deputación distribuíu 56.581 máscaras entre os concellos do Barbanza

11 Maio 2020

A Deputación da Coruña fixo balance este luns do repartido estas semanas nos nosos concellos en materia de material de protección fronte á COVID-19: un total de 56.581 máscaras entre os termos municipais do Barbanza ao longo dos meses de abril e maio. O reparto, que segue en activo esta semana cun novo lote, estase a realizar en función da poboación dos concellos.

O material vai destinado aos concellos da provincia da Coruña, que deciden a finalidade dos equipamentos en función das súas necesidades, distribuíndoas entre a cidadanía, os negocios que comezan a funcionar, os usuarios dos transportes públicos ou os profesionais de servizos esenciais municipais.

As máscaras adquiridas pola Deputación son de tipo cirúrxico de tripla capa e contan con certificado CE para produtos sanitarios segundo a directiva europea 93/42/EEC.

Contrato para adquirir 500.000 máscaras máis

O presidente da Deputación, Valentín González Formoso, sinalou este luns 11 de maio que a Deputación da Coruña “seguirá adquirindo e enviando material de protección aos concellos durante o tempo que dure a crise sanitaria da COVID-19”.

Tamén salientou que a institución provincial ten aberto o proceso de licitación pública dun contrato para o subministro de ata 500.000 máscaras máis, que se distribuirán de xeito periódico entre os municipios coruñeses nos vindeiros seis meses. “Sumando esta cantidade ás xa repartidas en abril e maio, o Goberno provincial prevé pór máis de 900.000 máscaras a disposición da cidadanía da provincia a través dos concellos”, engadiu.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...