O Ministerio de Sanidade actualizou o balance de contaxiados e falecidos por coronavirus en España ao 13 de maio:
- 27.104 mortos. A véspera contabanse 26.920. Son 184 máis.
- 228.691 confirmados por PCR. Ata o domingo eran 228.030. 439 casos novos.
- 140.823 curados. 138.980 o día anterior. 1.843 novos curados.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 2.322, deles 530 son da área da Coruña, 133 da de Lugo, 362 da de Ourense, 123 da de Pontevedra, 626 da área de Vigo, 461 da de Santiago, e 87 da de Ferrol. Do total de pacientes positivos, 25 permanecen en UCI, 166 están en unidades de hospitalización e 2.131 no domicilio. Polo de agora, en Galicia hai un total de 7.820 persoas curadas, rexistrándose 595 falecementos. O número de PCR realizadas é de 117.001.
Na xornada de onte rexistaronse 2 mortos que elevan a 597 o número de vitimas.
O falecemento dunha muller de 85 anos que permanecía ingresada no Complexo Hospitalario Universitario da Coruña (CHUAC) e que tiña patoloxías previas elevou a 597 as vítimas mortais do coronavirus en Galicia (465 en atención hospitalaria e 132 en residencias de maiores). Diso informou fontes sanitarias na tarde deste martes, xornada na que tamén se notificou o falecemento doutra muller, tamén de 85 anos, que recibía atención hospitalaria en Ourense. Ambas presentaban patoloxías previas. Con esta morte, elévanse a 465 as persoas con COVID falecidas en hospitais: 124 na área sanitaria da Coruña, 98 na área de Ourense, 91 na área de Vigo, 80 na área de Santiago, 30 na área de Ferrol, 26 na de Lugo (dúas dos falecidos, en atención domiciliaria), e 16 en hospitais da área de Pontevedra.
