Ribeira amplía por segunda vez o prazo voluntario de pago do Imposto de vehículos ata o 15 de xullo. As taxas auga, lixo e sumidoiros cargaranse o 15 de maio

25 Abril 2020

O Concello de Ribeira decidiu ampliar por segunda vez o período voluntario de pago do Imposto de Vehículos de Tracción Mecánica. Así, se nun primeiro momento a data límite para abonar este tributo pasou do 15 de maio ata o 15 de xuño, agora se demora un mes máis de tal forma que o
prazo para satisfacelo finalizará o 15 de xullo.
Cómpre advertir tamén a aqueles contribuíntes que teñan este imposto domiciliado de que se lles vai pasar a cobro o 4 de maio debido a que o ‘mandato de remesas’ ás entidades bancarias que dá inicio a esta forma de pago xa se puxera en marcha antes do Estado de Alarma e só foi posible adialo un mes (nun principio, o cobro domiciliado estaba marcado para o 4 de abril).
Aqueles que non o teñan domiciliado poden pagalo no momento que o desexen cunha tarxeta bancaria no novo apartado “Os teus recibos a 1 click” da páxina web do Concello www.ribeira.gal.

Por outra, parte, hai que lembrar que o Concello xa ampliou o prazo de pago das taxas de auga, lixo e sumidoiros (cuarto trimestre do 2019), pasando do 15 de abril ao 15 de maio, e, por outra parte, solicitou á Deputación da Coruña un aprazamento de tres meses na contribución e no Imposto de Actividades Económicas, de tal forma que abranga dende o 1 de setembro de 2020 ao 20 de febreiro de 2021.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...