Rianxo en Común propón medidas para reactivar o tecido económico local nestes tempos de crise

20 Abril 2020

A agrupación Rianxo en Común, con Julián Bustelo á fronte, vén de recompilar nun comunicado unha serie de peticións relacionadas coa pandemia e a crise sanitaria e coas medidas que ao seu xuízo debera pór en marcha o Concello para axudar á reactivación social e económica. Segundo lembra o grupo, xa van alá 40 días dende o inicio da Emerxencia Sanitaria, unha declaración que provocou unha grave crise para o comercio, a hostalaría e as pequenas empresas locais, unha situación que con toda probabilidade estenderase varias semanas, agravando as repercusións. “Pensamos que o Concello ten que actuar decontado diante das consecuencias da crise económica”, sinalan.

Segundo indican, cómpre “impulsar e reactivar a actividade económica de tipo comercial, hostaleira e de servizos no noso termo municipal, outorgando liquidez aos autónomos e pemes locais e contribuíndo a facilitar o cumprimento dos seus labores empresariais”.

Estas e outras propostas baséanse nunha crenza firme da agrupación rianxeira: o seu convencemento en positivo sobre o papel decisivo dos Concellos ante as adversidades, sobre todo porque son as institucións municipais as que teñen o coñecemento máis amplo das realidades locais e particulares nas que se insiren, mostrando un rico potencial para “deseñar estratexias de promoción económica capaces de identificar e pór en valor os seus recursos e complementar as necesarias actuacións acometidas polas restantes administracións”.

Estas son algunhas das medidas achegadas para ser postas en marcha de maneira urxente:

· Axilizar o pagamento das facturas que o Concello lles adebeda a moitos autónomos e pequenas empresas do municipio (“nalgún caso dende fai máis de un ano”, indican). “Pensamos que, na medida do posíbel, hai que flexibilizar e modificar o calendario fiscal para estes sectores máis afectados, e neste senso xa temos proposto algunha fórmula como a declaración do pequeno comercio como actividade económica de interese municipal para poder aplicarlle importantes bonificacións”, engaden.

· Aprobar o orzamento de 2020 e facelo conforme a delicada realidade actual. Rianxo en Común fai un chamamento a que se reserven 100.000 euros do orzamento para afianzar estas políticas de choque e botar a andar a reactivación económica. Deses, un 30% reservaríase para a creación dunha liña de axudas ao pago do alugueiro para que o Concello sufrague parte do gasto mensual que “isto supón para aqueles negocios máis afectados pola crise actual”. E engaden: “O 70% restante pensamos que debe ir para inxectar liquidez a autónomos e pequenas empresas”.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...