O Concello e o IES Félix Muriel de Rianxo levan computadores con Wi-Fi ao alumnado sen equipos na casa

22 Abril 2020

O Estado de Alarma e as restricións ás actividades presenciais deixaron un panorama de incógnitas sobre o futuro escolar das nosas crianzas que, con todo, si que nos guindou unha certeza: hai que seguir co cole na casa. Este feito é xa unha realidade en moitos fogares, pero noutros moitos está pendente de chegar, ben por falta de recursos económicos e tecnolóxicos, ben por descoñecemento, ben por ausencia de conectividade. Co fin de paliar esta situación discriminatoria no termo municipal de Rianxo, o Concello puxo en marcha un servizo de empréstamo de equipos informáticos con conexións Wi-Fi entre o alumnado. Segundo puidemos saber, o reparto de computadores xa comezou entre o alumnado de Primaria.

O Concello engadiu que o proceso de dixitalización completarase ao longo desta semana con accesos Wi-Fi para todos aqueles alumnos e alumnas que non dispoñan do equipamento e a conectividade necesarios para poderen seguir o terceiro trimestre do curso de forma telemática.

A listaxe do alumnado con estas necesidades específicas foi proporcionado polos centros educativos tras unha enquisa cos pais e coas as nais. Os equipos, que foron cedidos polo IES Félix Muriel, son parte do proxecto autonómico Abalar e utilizan a distribución propia do proxecto, Abalar Libre.

O sistema

Dende o Concello e o dito centro educativo lembran que o Abalar Libre é un sistema moi lixeiro, que pode executarse e instalarse en ordenadores antigos, pero que contén todas as ferramentas básicas actualizadas e unha grande cantidade de software educativo libre. É a distribución Linux que adoitan usar nos centros escolares no equipo do alumnado, e pode ser descargada, probada e instalada de balde en PC con moi poucos recursos.

Outros artigos

O 24 de xullo abre as súas portas a Feira do Libro de Rianxo

A Feira do Libro de Rianxo vai celebrar a súa edición 2024 entre o 24 e o 27 de xullo, novamente no Campo de Arriba de Rianxo. Horario: 12.00 - 14.00 horas // 18.30 - 22.30 horas. Fin de semana e festivos peche pola mañá ás 14.30 horas. Organizan a Xunta, a Federación...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...