O Concello de Rianxo implanta Jitsi, a ferramenta de vídeo-conferencia libre

22 Abril 2020

O Concello de Rianxo quere facer avanzar o teletraballo e a teleformación e, o que é máis importante, facelo dun xeito integrador, inclusivo, accesíbel e eficiente (sacando o máximo proveito dos recursos que están ao seu alcance). Con estes obxectivos e co fin de sortear as barreiras que leva consigo o Decreto de Alarma e as súas restricións á actividade presencial, o Concello apostou plenamente por Jitsi, a ferramenta de vídeo-conferencia libre.

Segundo explica o Goberno local, trátase dun proxecto libre de código aberto que desenvolve unha plataforma de comunicación múltiple e que pode utilizar o público xeral, achegándose como “unha alternativa aberta e universal a solucións privativas como Skype, Hangouts, Duo ou Zoom”.

Amais, pódese empregar dende o navegador web dun computador (Linux, Windows ou macOS) “sen necesidade de instalar software adicional”, ou dende a app para móbiles Android e iPhone.

Por outra banda, achega comunicacións seguras, permite seguir sesións en directo por YouTube, deixa marxe para compartirmos o escritorio e pon en xogo mensaxería grupal en directo.

O Concello de Rianxo vén de despregar un servidor propio para a celebración das sesións dos órganos colexiados (comisións informativas, xuntas de Goberno, plenos, mesas de contratación, etc.) e, tamén, para o traballo dos equipos directivos e o profesorado dos centros escolares do municipio. O Goberno local tamén mostrou a súa dispoñibilidade para estender o servizo propio a outros colectivos municipais que o precisen.

Amais disto, o Concello lembra que toda a veciñanza pode facer uso da aplicación nos servidores públicos de Jitsi: na plataforma web propia da ferramenta, no Google Play para dispositivos con Android e na App Store para dispositivos iOS.

O galego

O Concello fai saber que se ben as traducións á lingua galega están incluídas no proxecto, as versións publicadas aínda non as inclúen, polo que, de termos o móbil ou o navegador en galego, a app e a web aparecerán en inglés (aínda que na web pódese mudar o idioma na configuración). O servidor do Concello de Rianxo si inclúe a lingua galega.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...