Co obxectivo de superar os principais obstáculos á actividade presencial que achega o Estado de Alarma co COVID-29, a asociación Ambar, con sedes en Ribeira e Pobra e centrada na inclusión e dignificación dos colectivos con diversidades funcionais, iniciou os días pasados unha intensa actividade virtual de formación, divulgación e dinamización, materializada en diversos obradoiros creativos.
O servizo de atención diúrna en formato dixital, destinado a “apoiar ás persoas con diversidades que asisten aos servizos de Centro de Día e Centro Ocupacional” (e que na actualidade fican confinadas por mor da crise sanitaria), achegou a comezos da semana pasada actividades virtuais sobre adestramento deportivo, emprego (como facer un currículo), estimulación (fabricamos os nosos propios materiais) e habilidades.
A partir de mediados da semana, abordáronse obradoiros de pilates, de arte ornamental (figuras de mar con pasta de sal) e de estimulación. Este luns 13 de abril daranse a coñecer novas actividades no Facebook da asociación.
