A veciñanza de Rianxo colabora para pór a punto unha remesa de 2.000 máscaras de protección

02 Abril 2020

O Concello de Rianxo deu a coñecer estes días no seu Facebook dúas novidades importantes relativas ao COVID-19, o Estado de Alarma e a complexa situación social e sanitaria pola que está pasando a poboación, tanto a que está confinada nos seus fogares, como a que está nos hospitais e, tamén, a que loita directamente para que o número de falecementos e contaxios sexa o menor posíbel. Segundo informou o Goberno local, os días pasados recibiuse “unha doazón anónima” de material para facer unhas 2.000 máscaras de protección.

O equipamento, malia todo, non pode ser usado decontado, xa que as máscaras veñen pre-cortadas na parte exterior e interior polo que habería que coselas e poñerlle a fita elástica. Co fin de avanzar no seu remate e conseguir que estean prontas para ser empregadas polo persoal sanitario ou polos traballadores dos concellos, púxose en marcha unha acción de voluntariado. O Goberno local, que anima á cidadanía a botar unha man para poñelas a punto, sinala que as persoas interesadas só teñen que mandar unha mensaxe ao Concello para participar.

Respecto da outra novidade, trátase dun acordo das forzas políticas do Concello de Rianxo para colocar dende este primeiro de abril as bandeiras do Consistorio a media hasta en sinal de “memoria e solidariedade coas vítimas rianxeiras do coronavirus e as súas familias”. A homenaxe, sinalaron, esténdese a todas as persoas falecidas e as súas familias “nestes tempos de dificultades que tocaron vivir máis coa esperanza de xuntos, como colectividade, saír adiante”.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...