Co obxectivo de protexer á cidadanía da pandemia de COVID-19 ao mesmo tempo que se frea o seu espallamento e se garanten as disposicións do Decreto de Alarma, a Policía Local e a Garda Civil de Rianxo intensificaron os días pasados o reparto de material de protección entre empresas e trabalaldores de todos os recantos do concello.
Segundo
fixeron saber ambos corpos policiais, ao abeiro do seu traballo
conxunto e coordinado distribuíronse 800 máscaras a semana pasada,
dentro dun plan de reparto de distribución coordinado dende a
Delegación do Goberno de Galicia.
Estas máscaras súmanse as
preto de 8.000 repartidas polo Concello
de Rianxo e elaboradas por voluntarias e voluntarios co apoio de
varias empresas en tarefas loxísticas e de reparto.
A maiores, o Goberno local anunciou no seu Facebook que realizou xa un pedido de 10.000 máscaras a unha empresa local, co obxectivo de achegalas á cidadanía en canto sexa posíbel e “que non fique ningunha veciña nin veciño sen contar con este material de protección”.