Unha exposición colectiva con pinturas e fotografías de dez artistas desembarca no Consistorio ribeirense

11 Marzo 2020

Desde hoxe e ata o 30 de abril, as paredes da ribeirense Casa do Concello amosan unha exposición colectiva integrada por unhas corenta obras de dez artistas: en pintura, Beatriz Martínez del Campo Ricoy, Antonio Pérez, Santarelli, Hugo Mario Pereira Bengua, Maralla e Novais; e en fotografía, Manuel Paz, Óscar García, María Porto e Olegario Sampedro.

Organizada por O Faiado Tenda-Galería, a apertura da mostra contou coa asistencia da tenente de alcalde e concelleira de Cultura, María Sampedro; ademais de parte dos artistas participantes e representantes doutros membros da corporación municipal.

María Sampedro expresou o seu agradecemento a O Faiado pola súa “excelente predisposición” á hora de organizar unha mostra que, en principio, non estaba prevista nestas datas, pois no calendario de eventos de marzo figuraba a doutro autor que, por motivos de saúde, non resultou posible ofrecer. Así mesmo, resaltou a alta presenza de artistas locais e convidou a toda veciñanza a achegarse para contemplar as creacións.

No nome do colectivo expositor, interveu o pintor ribeirense Antonio Pérez, quen subliñou que para eles é “un luxo” ter a oportunidade de amosar a súa obra na Casa do Concello, xa que, deste xeito, chegan a todo tipo de xente, incluíndo a aquelas persoas que non están habituadas a visitar exposicións.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...