O Sindicato Unificado de Policía (SUP) fixo público un comunicado no que informe que hai unha ducia de axentes en toda Galicia que se contaxiaron con coronavirus, e un deles traballa na comisaría de Ribeira.
Trataríase dun caso importado, porque este policía realizou unha viaxe fóra de Galicia e comezou a sentirse mal á volta. Afortunadamente, a súa situación é estable, ten síntomas leves e permanece na súa vivenda cun seguimento diario por parte do persoal sanitario. Ademais, decidiuse illar a todos aqueles compañeiros que estiveron en contacto directo con el. Polo momento, ningún deles mostra ningún síntomas de contraer a enfermidade e están á espera de realizar as probas no caso de que fose necesario.
