Ribeira pon a carpa multiusos a disposición para a limpeza e desinfección das ambulancias que prestan servizo ao hospital

20 Marzo 2020

O Concello de Ribeira puxo a disposición a carpa multiusos situada fronte ao mercado municipal para que se poidan realizar alí os labores de limpeza e desinfección das ambulancias que prestan servizo no Hospital da Barbanza. Así foi autorizado na Comisión de Seguimento da Evolución de COVID-19 do día de hoxe, logo de ter coñecemento por medio da xerencia do centro hospitalario de que estes vehículos tiñan que desprazarse ata Santiago de Compostela para recibir este tratamento. Do mesmo xeito, a comisión acordou a instalación na citada carpa de contedores para a retirada dos refugallos que se xeren.

Por outra banda, a Administración local segue a incrementar o seu persoal dedicado a vixilancia e emerxencias. Se onte se daba conta da incorporación o vindeiro luns de catro auxiliares de policía, hoxe tomouse a resolución de que dous axentes que habitualmente prestaban funcións alleas ao servizo na rúa se sumen á dotación de axentes da Policía Local. Ademais, acordouse contratar con carácter urxente dous condutores para o Grupo de Apoio e Emerxencias Municipal (GAEM), polo que se recorrerá á última bolsa de emprego tal e como se fixo tamén no caso dos auxiliares.

Unha última resolución tivo que ver coa adopción de aptitudes máis proactivas entre o persoal municipal para tratar de chegar á máxima poboación á hora de tratar de detectar posibles casos de persoas con necesidades que non estivesen aínda identificadas e prestarlles así a cobertura que precisan. Cómpre lembrar a este respecto que o Concello ten habilitados tres números de teléfono aos que se pode dirixir toda a veciñanza que sexa coñecedora dalgún caso de necesidade: son o 981874131 (Servizos Sociais, operativo de 09.00 a 13.00 horas), 981876029 (Protección Civil, de 08.00 a 22.00 horas) e 981870933 (Atención ao Maior, permanente).

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

En Ribeira a rapazada de Banda ó Río estrea un novo parque infantil

O barrio ribeirense de Banda ó Río estrea hoxe un parque infantil completamente renovado. O goberno local, xunto cun bo número de veciños e veciñas, puideron comprobar as novas instalacións de xogo. O investimento para actualizar o Parque de Pedra Pateira ascendeu a...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...