O presidente da Xunta, Alberto Núñez Feijóo, explicou que se acadou un “principio de acordo” no que respecta ao decreto polo que quedarán suspendidas as eleccións autonómicas convocadas para o 5 de abril, contando co respaldo das principais forzas políticas.
Neste senso, buscarase o “consenso” para a nova data electoral, o cal recollerá o propio decreto, incluíndo que o presidente autonómico “oirá” ás formacións políticas para concretar a nova cita coas urnas, reactivándose baixo a premisa de que estean levantados o Estado de alarma a nivel estatal e a emerxencia sanitaria en Galicia.
A decisión da convocatoria recaerá en Feijóo, tal e como actualmente faculta o Estatuto de Autonomía.
