O Salón do Libro Infantil e Xuvenil renderá tributo a Helena Villar o día 14 de marzo

04 Marzo 2020

O Salón do Libro Infantil e Xuvenil de Pontevedra, o punto de encontro da comunidade galega e internacional de seareiros e seareiros do libro en “formato” de novas xeracións, vai acoller nesta edición 21 (que comeza este seis de marzo e que mantén abertas as portas até o día 28) unha homenaxe a unha das nosas escritoras que máis esforzos teñen posto en facer voar a imaxinación das pequenas e pequenos: a rianxeira de adopción Helena Villar Janeiro.

Segundo explica a organización do Salón, entre os principais motivos deste tributo figuran “o especial agarimo que gardamos de Villar Janeiro, pioneira da LIX galega, con toda unha vida adicada ao ensino e á creación literaria, abrindo e explorando camiños día a día”.

A homenaxe, unha celebración conxunta das contribucións da autora de A canción do rei (1992) e máis do ilustrador Kiko Dasilva, será o día 14 de marzo ás 12.30 horas, no salón de actos do Pazo da Cultura. Días máis tarde, o martes 17, Villar Janeiro protagonizará a actividade Teñamos a poesía en paz, na Libraría Paz (no número 29 da rúa da Peregrina) ás 20.00 horas e acompañada da súa parella, o tamén novelista e poeta Xesús Rábade Paredes.

Máis sobre a autora

Helena Villar, afincada en Abuín (Rianxo), conxugou durante a súa longa carreira creativa os oficios literario e docente, unha dupla vertente que segue a manter activa nas redes sociais, onde leva a cabo unha intensa actividade creativa, divulgativa e pedagóxica. Amais de ser autora dunha manchea de obras infantís, é poeta, narradora, ensaísta e articulista. É nai do pianista Abe Rábade e da tamén poeta María do Cebreiro. Segundo fixo saber tras ter coñecemento da homenaxe pontevedresa, a distinción do Salón do Libro Infantil “é un dos mellores obsequios que podía recibir”, cousa que aínda cobra máis relevancia ao ter que compartilo “co admirado e amigo Kiko da Silva”.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...