Co fin de clarificar dúbidas laboral e empresarialmente nunha situación tan complexa e inesperada como a que estamos a vivir, o Concello de Rianxo está a ofrecer estes días un servizo de información sobre as medidas económicas que leva a cabo o Goberno de España para combater a situación de alarma provocada polo COVID-19.
Segundo informa o Executivo rianxeiro que dirixe Adolfo Muíños, este servizo está destinado a traballadores ou traballadoras que poidan sufrir un ERTE, familias con hipotecas ou persoas autónomas afectadas pola situación.
As persoas que o desexen poden contactar co Concello a través do teléfono 604 022 090 ou ben do correo electrónico marcos.alejandro@concelloderianxo.gal. O horario de atención será de luns a venres de 09:00 a 13:00 horas.
