O Concello da Pobra fai un chamamento a seguir usando o servizo de asesoramento ás mulleres ante posíbeis casos de maltrato

26 Marzo 2020

Malia que o confinamento forzoso derivado de situacións como o estado de alarma polo COVID-19 que estamos a vivir xera situacións de irmandade e solidariedade, o certo é que tamén pode xerar, en determinados fogares, consecuencias diametralmente opostas. Con vistas ao potencial incremento dos casos de violencia de xénero, unha realidade que confirman as cifras e que vén motivada pola convivencia prolongada con agresores, os nosos concellos están a reforzar os servizos de atención social, malia a nova realidade que obriga a reducir ao mínimo a actividade presencial. Dende o Concello da Pobra lembran que está cen por cen activo o servizo municipal de atención telefónica e en liña.

Trátase, máis polo miúdo, dos seus servizos de atención psicolóxica e asesoramento xurídico para mulleres en situación de maltrato ou especialmente vulnerábeis. O Concello recorda que as veciñas que precisaren de axuda poden contactar chamando ó teléfono 981 83 27 64 ext. 2206 dende as 9.00 h ás 14.00 h, de luns a venres, ou escribir un correo a mariajose.perez@apobra.gal ou psicologacimapobra@gmail.com. No caso de emerxencia, recórdanse que deben chamar ao teléfono de atención ás vítimas de violencia de xénero, o 016, a calquera hora do día.

Outros artigos

A Pobra do Caramiñal mostra xa ao Valle-Inclán máis íntimo

A cesión de obxectos persoais e mobiliario do Pazo da Mercé onde residiu o autor, xunto á súa biblioteca persoal, completa a colección do seu museo na localidade coruñesa. O pleno do concello da Pobra do Caramiñal aprobaba esta mesma semana unha corrección de erros...

+

Publicidade

Revista en papel

Opinión

“Hacia la España federal”. Xosé Perozo

“Hacia la España federal”. Xosé Perozo

Si se cumplen las predicciones demoscópicas, el próximo domingo EH Bildu ganará las elecciones en el País Vasco, superando por primera vez al PNV en escaños y en votos. El fenómeno de crecimiento abertzale está rasgando las vestiduras de muchos politólogos y...