Catro auxiliares incorporaranse este luns á policia local de Ribeira

A Policía Local de Ribeira vaise ver reforzada a partir deste luns coa incorporación de catro auxiliares.
Os axentes (unha muller e tres homes) formaban parte das bolsas de contratación elaboradas ao efecto tras as convocatorias dos anos 2019 e 2018 e reúnen o requisito de ter prestado servizos como auxiliares de policía local durante tres anos consecutivos.

Por outra parte, o alcalde Manuel Ruiz solicitou publicamente que o
Goberno do Estado autorice aos concellos a utilizar o seu superávit nunha maior contía do que agora se lle vai permitir coa fin de contar con máis recursos para facer fronte ao estado de emerxencia.
“Pensamos que é indispensable que se nos dea esta posibilidade a concellos como o noso”, manifestou Ruiz Rivas, indicando que se ben é importante a contención do déficit público, hai familias e colectivos que de prolongarse esta situación van precisar unha maior asistencia por parte do Concello.
“Non é con ánimo de crítica, pero cremos que aínda temos posibilidades de axudar algo máis e por iso lle solicitamos ao Goberno que estude a mpliación das medidas que podemos prestar”, recalcou.