A Asociación Cultural Barbantia quere pór o seu gran de area para facer máis levadío o confinamento forzoso destes días, por mor da pandemia e das restricións de mobilidade impostas para freala. Por este motivo e co obxectivo de contrarrestar con cultura, talento, investigación e creatividade local estes “días de inquedanza e tempos mortos”, a asociación lémbranos que temos en acceso libre e en liña todas as súas publicacións. Podemos atopalas na súa web, www.barbantia.es.
A listaxe de recursos achegados por Barbantia está composta polos catro números da publicación BarbantiaRte e por unha ducia de lanzamentos do Anuario de Estudos de Barbanza, que é unha das grandes contribucións da asociación e que xunta algúns dos máis destacados ensaios, relatos, crónicas e bibliografías de cantas elaboran ao longo de doce meses as/os diferentes integrantes da cultura barbanzá. Ao devandito cómpre engadir os estudos A cor dos soños, Voces na materia, Voces na guerra, Un río de sangue e de tinta, Luces na cidade o Catálogo Che Tembra.
