A Xunta salienta a importancia dos Centros de Día especializados en alzhéimer

AGADEA

O director xeral de Maiores e Persoas con Discapacidade, Ildefonso de la Campa, destacou esta tarde o traballo diario que se realiza no Centro de Día da Asociación Galega de Axuda aos Enfermos con Demencia tipo Alzhéimer (AGADEA). Fíxoo durante unha visita a estas instalacións situadas no municipio de Ribeira.

Ildefonso de la Campa fixo fincapé na longa experiencia de AGADEA, que atesoura unha traxectoria de 25 anos de esforzos para mellorar a calidade de vida das persoas con alzhéimer e dos seus familiares.

Neste senso, indicou que Centros de Día como o de AGADEA, ademais de garantir un servizo de calidade a todas estas persoas, supón tamén unha axuda para que os seus familiares poidan conciliar.