O Concello de Boiro informou no seu Facebook de que a unidade móbil da Axencia de Doazón de Órganos e Sangue estará este venres 27 de marzo en Cabo de Cruz, dende as 16.00 até as 21.00 horas na explanada do porto. As persoas interesadas en colaborar con este importante servizo, máis relevante ca nunca tendo en conta o estado de alarma sanitaria, restricións e confinamento, poden solicitar cita previa a través do número de teléfono 900 100 828.
Como de costume, a unidade móbil achega unha serie de recomendacións ás persoas voluntarias, entre as que se atopa ter agardado dúas horas despois do xantar para facer a doazón, levar o DNI ou a tarxeta de doazón.
