A Policía Local de Rianxo vén de informar dunha actuación dos axentes levada a cabo na tarde do pasado 29 de febreiro e que consistiu nunha operación a prol da saúde pública relacionada coa venda non regulada de marisco fóra das canles e procedementos precisos para facelo. Segundo informou a Policía Local, na tarde do 29 de febreiro tívose coñecemento dunha actividade de venda ambulante de marisco a carón dun supermercado no lugar de Pazo, en Rianxo. Os axentes procederon a identificar ao varón que comercializaba os produtos e comisaron o marisco e máis os útiles de extracción que carrexaba nun bolso.
O
produto da venda estaba formado na súa maior parte por ameixa, que,
segundo lembran os axentes, carecía de tarxeta sanitaria e documento
de orixe e rastrexabilidade (trazabilidade), sendo entregado aos
gardapescas da Confraría de Rianxo para ser devolto ó
mar.
Tramitouse denuncia administrativa pola venda de marisco de
forma irregular, constándolle a esta persoa numerosos antecedentes
por furtivismo.
