Un total de 28 estudantes do primeiro curso de FPB do Centro Integrado de Formación Profesional (CIFP) Coroso visitaron esta mañá o Centro de Atención Intregral Amicos situado en Comoxo, no municipio de Boiro. Alí tiveron a oportunidade de compartir unha xornada cos usuarios e usuarias da asociación, ademais de interactuar, coñecerse e traballar en conxunto.
Así mesmo, a comunidade educativa do CIFP Coroso estivo nos obradoiros que se imparten de cerámica, estimulación, deporte, almacén e música, entre outros. Tal e como manifestan desde o centro, resultou “unha bonita experiencia.”
