Na mañá do sábado sobre as 11.40 horas, a Policía Local de Rianxo interceptou un vehículo que circulaba de forma neglixente pola rúa Arcos Moldes (Rianxo), cuxo condutor unha vez identificado, comprobouse que presentaba síntomas evidentes de haber inxerido bebidas alcohólicas.
Nas probas de alcoholemia que se lle realizaron deu resultados de 0,93 e 0,81 mg/l de alcohol en aire expirado.
Procedeuse á súa investigación por un delito contra a seguridade do tráfico e tramítase denuncia administrativa pola infracción cometida. O condutor resultou ser un veciño de Rianxo de 51 anos de idade.
