O espectáculo de contacontos e música A mina contamina represéntase o sábado en Rianxo

Ao abeiro do proxecto Montescola, que busca familiarizar ás novas xeracións coa importancia de coidar o medio natural e a biodiversidade (levando a cabo accións concretas como as plantacións colectivas de árbores autóctonas en Froxán, Lousame), vaise celebrar na Biblioteca de Rianxo, este sábado 22 a partir das 12.00 horas, o espectáculo A mina contamina, con Pinga e Lavandeira.

Será unha sesión de contacontos para familias con crianzas a partir dos 6 anos, e acompañada da música do grupo de folk galego Barahunda, que porá a música en vivo contando coa colaboración especial de Tero Rodríguez. A actividade vén da man do Centro de Saberes para a Sustentabilidade, o Concello de Rianxo, a Universidade das Nações Unidas, a Asociación Cultural Bubela de Abuín e a Plataforma Mina de Touro-O Pino Non.