O Concello de Rianxo a impulsa a acollida lingüística e cultural cun curso básico de galego

13 Febreiro 2020

O Concello de Rianxo vai organizar esta tempada un Curso básico de lingua e cultura galega. O obxectivo desta actividade formativa é, en palabras do Executivo rianxeiro, favorecer “a acollida lingüística e cultural das persoas de fóra de Galiza” e, tamén, servir de ferramenta de integración para a cidadanía que aínda non dispón dos niveis iniciais do certificado de lingua galega (CELGA 1 e 2). Segundo informa o Concello, o curso desenvolverase entre os meses de marzo e abril, con vistas a que en maio se faga pública a convocatoria de exames CELGA que cada ano impulsa o Goberno autonómico.

Polo tanto, as datas de desenvolvemento da actividade formativa serán o mes de marzo (a partir do día 3) e o mes de abril (até o 30). As clases limitaranse aos martes e xoves de cada semana e o horario das mesmas o seguinte: de 19.00 a 21.00 horas (trinta horas en total). As sesións levaranse a cabo no Auditorio de Rianxo e, respecto do prazo para formalizar a inscrición, comezou este 12 de febreiro e remata o 26 deste mesmo mes. Está programado incluír 10 prazas no curso. Quen precise máis información sobre o mesmo pode poñerse en contacto do Servizo de Normalización Lingüística do Concello de Rianxo, en persoa ou ben a través do teléfono 881 988 891 e máis do enderezo de correo electrónico normalizacion@concelloderianxo.gal.

Outros artigos

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...