A heroica e épica descuberta das terras galaicas chega á Pobra da man de Malasombra

10 Febreiro 2020

Este domingo 19 de febreiro temos na Pobra unha cita humorística e teatral para marcar na axenda. Trátase da representación do espectáculo Go on!, da compañía Malasombra, que nos trae á Pobra (ás 19.00 horas no Elma) unha cometida protagonizada por Xoque Carbajal e Jouse García que promete ser unha boa oportunidade para poñer en práctica, da man dos ditos actores e do director Marcos Orsi, o tan saudábel deporte de rirnos de nós mesmos.

O argumento da obra xira arredor dun mundo utópico (ou distópico) moi semellante ao noso pero ao que lle queda pendente unha materia moi importante en materia de descubrimentos xeográficos e científicos: poñer o pé en Galiza. Así é como dous “intrépidos exploradores tiveron o valor de penetrar nas descoñecidas terras galaicas a través do itinerario xacobeo”. Segundo nos contan dende Malasombra, Go on! documenta polo miúdo as súas proezas, e faino dun xeito tan impactante que, en palabras da compañía, deixa os aventureiros de Al filo de lo imposible á altura duns simples boyscouts. E proseguen: “O espectáculo é unha emocionante novela de aventuras en que os seus protagonistas viven situacións extremas como o terríbel ataque do desapiadado can de palleiro”.

Outros artigos

Todo preparado na Pobra para 16ª edición da Volta a Ons

A Pobra do Caramiñal, a través do Club Náutico Arousa Norte, comezou a conta atrás para a 16ª edición da Volta a Ons. A clásica regata que organiza o Club Arousa Norte, puntuábel para a Copa Xunta de Galicia, conta co patrocinio do Clínica Dr. Gonzalo López e de...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...