Visitas e rutas guiadas para coñecer o patrimonio histórico da Pobra

15 Xaneiro 2020

O Museo Valle-Inclán da Pobra do Caramiñal ofrece visitas guiadas de balde para grupos de tódalas idades e, dependendo do número de persoas que sexan, deberase entrar en diferentes quendas debido á cabida limitada deste edificio histórico. Así mesmo, ofértaselle ao visitante unha ruta guiada pola vila co obxectivo de coñecer o patrimonio histórico e lugares que frecuentaba Ramón del Valle-Inclán.

Os interesados que desexen concertar unha visita e/ou ruta guiada en grupo poden facelo a través do enderezo electrónico museo.valleinclan@apobra.gal ou dos teléfonos de contacto 981831662 e 671090262.

Cedida por Museo Valle-Inclán da Pobra do Caramiñal

A Torre de Bermúdez é sede do Museo Valle-Inclán desde 1987, pioneiro en España, ademais de ser edificio declarado Monumento Histórico-Artístico de Interese Nacional. O horario de apertura establécese de martes a sábado, de 11.00 a 13.00 horas e de 17.00 a 19.00 horas.

Entre os fondos patrimoniais cómpre resaltar, polo seu interese, a colección de primeiras e coidadas edicións de libros impresos en tempos do intelectual, así como fotografías súas en varios escenarios do Barbanza. Tamén destacan os manuscritos orixinais, o epistolario con Manuel Azaña ou a correspondencia xerada pola intelectualidade española que conforma o legado de Victoriano García Martí. Outros elementos a salientar son a carteleira teatral monográfica, a serie de iconografía valleinclaniana, os numerosos obxectos das belas artes e mobiliario da época procedente dos seus domicilios madrileños.

Outros artigos

Ciro Briones presenta na Pobra o ensaio “Da caverna a acrópole”

O público da Pobra do Caramiñal asistiu na tarde do 12 de abril á presentación do ensaio Da caverna a acrópole. Un camiño cara a educación crítica, de Ciro Briones. Con esta obra, o autor une filosofía e ensinanza, poñendo o foco na importancia da construción do...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...