Arousa Norte estará presente este xoves na Feira Internacional de Turismo de Madrid, FITUR 2020. Desde a Mancomunidade levarán os bens culturais, paisaxísticos e gastronómicos a esta feira de referencia no país.
Así mesmo, esta semana presentarase o vídeo que narra a historia do camiño terrestre que acompaña a Ruta Xacobea do Mar de Arousa e río Ulla. Unha oportunidade para contar toda a lenda relacionada coa ruta marítima e amosar os símbolos da tradición Xacobea de interese para potenciais visitantes que estean interesados en realizar nun futuro o percorrido a pé do Camiño de Santiago do Barbanza.
O presidente da Mancomunidade de Municipios Arousa Norte e alcalde de Ribeira, Manuel Ruiz, e a xerente da entidade supramunicipal, Irene Maneiro, estarán acompañados dos rexedores da Pobra do Caramiñal, Xosé Lois Piñeiro; Boiro, José Ramón Romero; e Rianxo, Adolfo Muíños; ademais de membros da Asociación Amigos do Camiño de Santiago do Barbanza. A Orixe. Encargaranse así de introducir ás persoas visitantes no territorio Arousa Norte a través da proxección audiovisual do camiño A Orixe.
A Mancomunidade tamén aposta por estar presente ao longo de tódolos días de duración da referida feira, tendo presenza e visibilidade no stand de Turismo de Galicia, onde atoparán o xeodestino da comarca do Barbanza como unha alternativa de turismo sostible.
