A Asociación Cultural Barbantia vai celebrar o vindeiro 31 de xaneiro, venres, a súa asemblea xeral ordinaria. Será no Auditorio de Rianxo ás 18.30 horas en primeira convocatoria, e ás 19.00 para a segunda e última. Abordaranse procedementos como a lectura do estado de contas para a súa aprobación, un resumo da memoria anual do ano 2019 e a renovación dos cargos directivos. Un algo máis tarde, o mesmo día e no mesmo emprazamento, está programado celebrar, ás 20.030 horas, o acto de presentación do suplemento cultural número 151 de A Voz de Barbantia e, tamén da obra Escribirme, de Héctor Pose Porto, editado por Edicións do Peirao.
Oficiará de condutor deste duplo acto cultural-editorial o alcalde de Rianxo, Adolfo Muíños, quen estará acompañado de Milagros Torrado e Xesús Laíño, que conversarán co autor sobre a proposta literaria da súa obra. A cita deste venres concluirá cunha vertente artístico-musical: unha intervención plástica a cargo do artista Manuel Ayaso e un peche musical (e tamén unha apertura) a cargo do cuarteto de frautas Leliñas da Escola de Música de Rianxo.
Estas actividades están enmarcadas nos Actos Castelao 2020 que organiza o Concello de Rianxo e cuxa información pódese consultar na súa web.