Na xornada deste venres 24 tivo lugar a inauguración da aula dixital na Asociación Amicos, en Boiro. Un espazo interactivo que se levou a cabo grazas á distinción recibida na pasada edición dos VI Premios Solidarios Cenor electrodomésticos.
No 2018, a referida asociación foi galardoada co denominado Hoyo Solidario, cuarto premio de dita convocatoria. A recadación provén dos asistentes máis solidarios de cada unha das probas do XII Circuíto de Golf Cenor Camino de Santiago, ascendendo a contía a 4.493 euros. A aportación correspondente traduciuse na adquisición de diverso material tecnolóxico coa finalidade de constituír esta aula, así como contribuír a mellorar a calidade de vida das persoas con necesidades de apoio. Entre os produtos adquiridos en Cenor electrodomésticos figuran un encerado dixital, unha impresora 3D, un ordenador portátil e coa previsión de acadar dúas tablets máis.
Durante a xornada foron testemuñas de como o novo equipamento pode facilitar o día a día das persoas que presentan máis necesidades de apoio. Rosa, unha alumna do Centro de Educación Especial, amosou in situ como deseñar un molde que facilita a autonomía á hora de desenvolver actividades da vida cotiá. Coa impresora 3D pódense crear de forma personalizada e a menor custe pezas coma, por exemplo, culleres, ganchos para botóns ou pictogramas en relevo, as cales facilitan tarefas básicas.
Ao acto asistiron o director xeral de Cenor, Javier González; a directora de marketing de Cenor, Leticia Rodríguez; marketing de Cenor, Alba Rego; o xerente da tenda Cenor de Boiro, Alfredo Otero; e o director xeral de Amicos, Xoán España.
Desde Cenor electrodomésticos, unha ves máis, reafirmáronse no seu comprimo co seu entorno, encamiñando a súa oitava edición dos Premios Solidarios Cenor electrodomésticos.
