Ribeira conmemora o Día Internacional das Persoas con Diversidade Funcional

03 Decembro 2019

Os actos organizados con motivo do Día Internacional das Persoas con Diversidade Funcional arrancaron en Ribeira esta mesma mañá cunha masterclass de  zumba, seguida da apertura dunha exposición composta por unhas trinta obras elaboradas por persoas con diversidade.

Así, ás 11.30 horas tivo lugar na praza do Concello unha masterclass na que participaron sesenta alumnos da Asociación AMBAR e doce de A Creba. No transcurso da mesma, o alcalde Manuel Ruiz incidiu na necesidade de seguir traballando a prol da igualdade e manifestou que “o Concello se pon día a día esa meta: dar pasos para que canto antes logremos a sociedade que todos buscamos.”

A continuación, a Casa Consistorial viviu o acto de apertura da exposición Con xeito. Diversidade na arte, integrada por unha trintena de pinturas e esculturas elaboradas polo alumnado do taller de arte de AMBAR baixo a directriz de Manu Mimé e coa presenza, entre outros, da presidenta da asociación, Milagros Rey; o alcalde e distintos representantes de grupos da corporación municipal.

Milagros Rey insistiu en reclamar que “as persoas con diversidade temos os mesmos dereitos e queremos que se cumpran.” Así mesmo, expuxo que este ano o Día Internacional das Persoas con Diversidade Funcional céntrase no seu empoderamento para “un desenrolo inclusivo, equitativo e sostible como se pedía na Axenda 2030 para o desenrolo sostible, que se compromete a non deixar a ninguén atrás e que considera a diversidade como unha cuestión transversal na implementación dos seus dereitos.”

Na súa intervención, Manu Mimé explicou que esta mostra fai fincapé nas diversas maneiras de crear, sendo tódalas pezas “moi distintas, pero que gardan moitas similitudes entre si e, á vez, os artistas nos expoñen ao público que vimos mirar as cousas que a eles lles gustan”, amosando desde paisaxes ata o mundo mariño. Tamén precisou que desde o obradoiro de arte da Asociación AMBAR “buscamos o empoderamento artístico destas persoas porque todos eles son artistas como calquera de todos nós que nos guste crear.”

Pola súa parte, o rexedor Manuel Ruiz expresou o seu agradecemento a todas aquelas persoas que traballan “por un mundo máis xusto, máis inclusivo, que potencia o que cada un é capaz de dar e facer por esta sociedade.” Ademais, manifestou que “creo que hoxe en día se empeza a facer xustiza cando estamos a falar de diversidade porque iso é o que é o mundo, diverso e cada un pode aportar moitísimo á sociedade á que aspiramos.”

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...