A Consellería de Educación publicou hoxe no Diario Oficial Galicia a orde pola que se conceden os galardóns da ESO ao “esforzo e superación persoal do alumnado correspondentes ao curso 2018-2019”. Estes recoñecementos distinguen “a capacidade de superación de dificultades de 20 alumnas e alumnos que estudaron nese curso 4º de Secundaria, ben sexan de tipo persoal, educativas ou de contorno familiar e sociocultural”. Entre o alumnado galardoado atópanse rapaces do IES da Pobra do Caramiñal e do IES A Cachada de Boiro (dous estudantes).
A Consellería destina un total de 15.000 euros para estes premios a razón de 750 euros por cada un dos 20 galardóns que se conceden. A Consellería lembra que o obxectivo final destes galardóns é que as mozas e mozos premiadas/os sexan “un exemplo para compañeiras e compañeiros en situacións semellantes, poñendo en valor o especial esforzo que supón acadar o éxito na escola”.
