A Xanela do Maxín recala ás 18.30 horas deste luns 30 no pobrense Elma para a representación de A toupiña que quería saber quen lle fixera aquilo na cabeza. Deste xeito, acompañarase a este mamífero na súa investigación pola granxa co obxectivo de coñecer que animal dos que viven alí lle fixo semellante agravio a modo de pucho cheirento. Unha obra simpática que provoca as gargalladas do público, ademais de empatía coa toupiña, ferida no seu orgullo.
A entrada é libre e ata completar aforo. A actividade está organizada pola Concellería de Cultura da Pobra do Caramiñal en colaboración coa Rede Cultural da Deputación da Coruña.
