A derradeira achega do POS+2019 permitirá acometer dez obras en Arousa Norte

20 Decembro 2019
Cedida

A Deputación da Coruña aprobou hoxe, por unanimidade de tódalas forzas políticas, a derradeira achega do Plan Único deste ano (POS+2019) por un importe total de 17’1 millóns de euros, dos que 16.245.962 euros corresponden a fondos provinciais e 908.460 serán aportados polos concellos.

Coa achega aprobada hoxe, o POS+ da Deputación puxo a disposición dos concellos coruñeses durante 2019 un total de 100.484.818 euros, superando o investimento realizado nos exercicios anteriores.

Un total de 83 concellos coruñeses beneficiaranse desta achega adicional do Plan, que permitirá executar un total de 158 obras de mellora de infraestruturas municipais. Pavimentacións de camiños e núcleos rurais, obras de saneamento e abastecemento de auga, dotación de mobiliario urbano, creación de parques públicos e infantís ou creación de infraestruturas deportivas son algunhas das obras que se realizarán nos concellos co apoio do Plan Único.

Respecto aos municipios de Arousa Norte, acometeranse dez obras cun importe total de 1.039.662’73 euros.

Outros artigos

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión